നാല് കാലുകൾ

വിലപിടിപ്പുള്ള ഒന്ന് കളവു പോയി. അത്രയേറെ കാത്തുസൂക്ഷിച്ചിരുന്ന ഒന്ന്.

പല ഇടങ്ങളിലും തിരഞ്ഞു

പാട വരമ്പത്ത്

വഴിയിൽ , ഇടനാഴിയിൽ

തൂണിന്റെ മറവിൽ പക്ഷേ -

കണ്ടെത്താനായില്ല

ഇടയ്ക്ക് എപ്പോഴോ കയറിവന്നൊരാൾ

ചോദിച്ചു

എവിടെയാണ് നിന്ന് പോയത്

എന്താണ് നഷ്ടപ്പെട്ടത്

നഷ്ടത്തിൽ പുഞ്ചിരി കലർത്തി

മെല്ലെ പറഞ്ഞു

" 2 കാലുകൾ "

മുഖത്ത് തളം കെട്ടിയ ആശ്ചര്യം

മറുപടിയുടെ അളവ് കൂട്ടി

ഒന്നുകൂടി ഉറപ്പിച്ചു

അതെ " രണ്ടു കാലുകൾ "

പാടവരമ്പത്തിലൂടെയും ഇടവഴിലൂടെയും

നടന്ന നാല് കാലുകളിൽ

" രണ്ട് കാലുകൾ "

പറഞ്ഞു തീർക്കും മുന്നേ

ഒരുമിച്ച് നടന്നു തുടങ്ങി

കൗതുകം, അത്ഭുതം

വീണ്ടും "നാല് കാലുകൾ "